【逆權世代】捍衛基本人權

今日蘋果日報同信報嘅聯署廣告。
回想十年前，如果唔係轉行去教書，都唔會讀港大嘅pgde， 相信係全港最hea嘅pgde😂
2012年畢業，雖然major係sen，但係喺學校都做唔到啲乜， 只有意識形態上嘅捍衛，學校真係一個sen邊緣化嘅工廠！
喺充滿競爭嘅香港推行融合教育其實係一個謊言， 就好似政府今次強制推行侵蝕人權嘅送中條例嘅謊言一樣。
人權係普遍嘅，人人均有，不分時地; 人權係不可侵犯嘅，不容否定，不受阻撓，不能減縮; 人權係不可剝奪嘅，人永遠唔會失去或者放棄佢; 人權係必然嘅，人權自有，無需額外嘅法律去支持。而且人權超越任何法定嘅權利之上。人權之所以存在係由於人係有自由意志嘅理性存有物。

明天，6月9日，一齊上街，捍衞香港人嘅基本人權。