睇完上文好心酸！ 做唔到啲乜！唯有祈禱！一個政權，如此管治，認真可恥！
我諗起最近同一班十幾廿歲嘅時候嘅師兄弟傾<送中條例>，大家都係60後，群組入面有八成人都冇出聲， 相信都有建制派支持者。有出聲嘅其中一個咁樣講:
「我只能說一句： 政治往往不是我们眼見到的那么簡单的。背后的金主，設計者，目的，目標。我们是永远不知道的。我们只是見到表面的執行者，或一片一片的片段式情境而已……有很多很多……我们还是未看到的……所以，算吧……不理。」
真係好無奈！唔通去到我呢個年紀啲人都係咁窩囊？都係咁自保！ 除咗親建制派支持者，香港可能真係唔少圍爐取暖同哩自我感覺良好嘅人。 唔講香港社會，大陸嘅情況更加唔會關心！
有時都唔可以諗得咁灰！fb有一個80後比90後同埋00後嘅年輕人嘅信，寫得好感人:
80後比90後同埋00後嘅年輕人嘅信
我喺入面都留咗言咁樣回應鼓勵下:
「我60後同70，80，90，00後講: yOu AlL nOt AlOnE！我同太太喺6月13日晚取消咗6月14日開始嘅15日沖繩之旅，嘥咗萬幾二萬蚊，好肉痛！不過都係覺得啱，因為 今次係大件事，覺得要同你哋一齊，出咗嚟，齊上齊落，支持香港，支持你哋！雖然未必走喺最前，但係只要你哋一出聲，我哋就喺你附近。唔好放棄啊！Add oil! We are the ONE!」
王全璋、李文足及家人，你哋犧牲咗好多！好偉大！ 多謝你哋！
0 意見:
Post a Comment