【逆權世代】特首要做驅魔儀式？

翻查資料，宗教研究裏面，附魔嘅意思係被位格或者非位格嘅奇特力量(包括中共)所支配嘅現象。
基督宗教裏面指出，魔鬼即係非人，但係具有位格嘅邪惡力量嘅異常行動。一個人 從外面被邪惡力量圍困住，或者從內部(狂妄自大、目中無人，包括103萬香港人)被佔據住，呢個時候佢會以生理同埋心理疾病嘅方式帶著攻擊性同埋褻瀆(話自己喺天堂有位)嘅憤怒表現出來(喺記者會嘅囂張、戚眉戚眼、不可一世)。同時，佢嘅自我意識冇辦法完全整合(冇左自己， 心目中淨係有中央， 所以出賣香港)， 所以佢嘅責任範圍被縮小甚至缺失。(冇咗一國兩制，中共接管接，特首冇咗自己嘅責任。)
所以，我哋要幫助附魔者相信天主最終一定會戰勝魔鬼;天主絕對唔會允許任何超過人類力量(包括一黨專政嘅中共)嘅事情加喺人身上;必須避免任何使到附魔者更激動嘅事情，因為病情有可能轉為歇斯底里(市民有意見完全置諸不理，一味向前，通過立法)。如果情況不斷惡化，必須睇醫生。最後教會當局需要決定係咪要為佢施行驅魔儀式。
結論係，鄭月娥特首需要馬上睇醫生，同埋比教會覆核一下，使唔使做驅魔儀式， 驅逐佢心中嘅惡魔。