【逆權世代】傷心悲痛

傷心悲痛……

有現場人事話警方唔畀社工同輔導員入去幫手！

如果屬實，示威者同警方名顯係對立嘅， 唔係會再挑動對方嘅情緒咩？點解警方唔畀社工、輔導員或者係現場嘅立法會議員鄺俊宇入去一齊幫手呢？
有可能出現嘅情況係，如果死者一心用以死抗議送中條例，而警方最後因為想淡化事件而話佢係失足墮下……
亦有可能出現嘅情況係，本來佢都唔係想死，但係見到咁多警方嘅人喺度，激發起佢嘅情緒而自殺墮下……
成件事嘅程序必須要交代清楚，究竟裏面發生咩事？講咗啲咩？裡面全部都係警方嘅人，永遠冇人知！
我最擔心嘅係，如果有年青人模仿自殺，林鄭你聲稱自己係衆人嘅母親，情何以堪！ 唔好好似上次咁，等到有流血事件，你先至所謂嘅暫緩， 呢個係非常之心硬同埋冷血嘅做法！請你現在立即撤回送中條例，並立即引咎辭職！