【流浪世代】台灣行2018㈡

尋日嚟到高雄杉林區嘅天主教真福山社福文教中心，跟關俊棠神父開始五天避靜。
「神貧的人是有福的，因為天國是他們的。」瑪竇福音 5:1-12

Continue

【流浪世代】台灣行2018㈠

今次嚟台灣主要係去台南真福山五天避靜。早兩日先去台北，計劃去探一位世叔伯，係老爸嘅好朋友。早年老爸嘅喪禮，佢都專誠由台灣飛嚟參與。我已經早一個月通知對方，點知一直失聯！畢竟已經九十幾歲，總想去探望一下呢位世叔伯。人算不如天算，嚟到台北，本地電話亦聯絡唔到！唯有再等下一次機會！ 世伯，見字留言！
今次第一次住Airbnb，體驗本地人嘅屋企，感覺有趣親切。 最接近五投區嘅捷運站係蘆州，感覺良好！ 原來喺60年代，蘆州市已經聚集左近30萬嘅中南部移民， 佢哋嘅拼搏精神無人能及。唔少手藝人都喺呢一度落地生根，例如有剪紙李煥章，做墨陳嘉德，製筆陳耀文……等。蘆洲拼搏史，移民寫真集。
尋日係台灣四日假期嘅第一日，高鐵台鐵一早都冇飛買，昨天一早就搭客運，由台北向南走向高雄， 匯合同事。

Continue

客 The Guest

尋日追完一套今年ocn嘅韓劇: <客>，係韓式同埋天主教式驅魔嘅電視劇。 拍得好鬼，值得好追嘅電視劇👍
「……那黑暗的心，是那個人選擇的，所以我們才來了……」
「……惡靈會動搖人類的心靈深處，兄弟姊妹之間微不足道的厭惡、嫉妒，也很容易被惡魔所利用……」

Continue

可惡!

灣仔街市呢個廁所，眾所周知，保養得非常之好，算係幾乾淨。 因為上去要行兩條共33級嘅樓梯， 根本就唔畀傷健人士同埋老人家用！可惡！

Continue

「殊」不簡單

「殊」不簡單
最近去咗一間中學觀課，大開眼界。老師喺課室管理方面，將一般叫學生肅靜的`she'(引BB小便的聲音)改良成為「舒」嘅第4音，即係「殊」。 當學生發出嘈音嘅時候，老師就淨係講咗一個「殊」字， 奇蹟就出現， 課室入面跟住就有8個同學不約而同， 模仿老師講咗個「殊」字。呢個「殊」，殊不簡單，9個「殊」完之後，就全班就靜曬。 老師嘅成功，就好似「任何人」一樣，喺班入面製造出共同話題。
課室係一個精彩嘅地方，係一個老師同學生互動嘅精彩嘅地方，係一個好多奇蹟會發生嘅地方。呢位老師將一個平平無奇，已經冇乜效果嘅助語詞she變成一個實嘅中文字「殊」。 呢班學生畢咗業應該都會好記得，佢哋曾經畀一個殊不簡單嘅「殊」老師教過。

Continue

是誰趕走了精靈

平時喺我樓下呢度係pokemon嘅聖地，非常多人喺度捉鬼，呢幾日冇曬。呢幾日多咗一班上咗年紀嘅龍友喺度影相，開頭以為佢哋係影花影樹， 細問之下。原來佢哋喺度影緊幾隻特別嘅雀仔。 當雀仔喺花槽上上下下走嚟走去，佢哋就蜂擁而來而往。 香港原來唔係淨係有識得返工嘅人。

Continue

【倫敦直送】密室逼宮：解密隔世還魂的東大嶼填海

【倫敦直送】密室逼宮：解密隔世還魂的東大嶼填海

Continue

《要求擱置東大嶼人工島計劃，並以「先棕後綠藍」發展土地》網上聯署

《要求擱置東大嶼人工島計劃，並以「先棕後綠藍」發展土地》網上聯署

Continue

再見Fr. Naylor！

一代真正嘅教育者，可敬嘅耶穌會魏志立神父前日離我哋而去了，享年87。 雖然我冇被佢教導過，但同佢有合作過。舊校有一個傳統，每年安排中三全級學生輪流同九龍華仁書院同級學生往來交流。 魏神父非常認真，約咗兩點鐘喺油麻地地鐵站等，佢就一早安排定學生去到地鐵站最近出口列隊歡迎我校嘅學生，佢哋仲同我哋同學攞書包，沿著窩打老道行返去九華，沿途同學有傾有講，已經開始互相打開話閘子。 淨係睇呢個開場已經知道佢幾重視禮貌、尊重同埋互相交流。
嗰一次係我嘅第一次，亦都係最後一次，因為神父身體已經唔係好得！之後都冇繼續呢個傳統，可惜！
嗰次仍然見到佢嘅功力，眼睛炯炯有神嘅魏神父非常重視學生嘅禮貌同埋待客之道，見到部份同學雖然唔係好想做，但係佢哋都願意配合，唔單止俾面咁簡單，而係一份嘅尊敬。
Fr. Naylor，你辛苦啦！多謝你對香港學生嘅付出！

Continue

新學年新任務

迫車......新的學年，新的任務，喺中文大學教育研究所半職幫手，培訓學生、老師，同埋寫教案。半職，只能半職，否則有殺身之禍 😅

Continue

補習倫理與宗教科

為初初接觸的倫理與宗教的學生，我都會做點自我簡介，讓大家都認識我多一點 😊
我叫安中玉，可以叫我安sir或lawrence。我是一名中學註冊教師，已退下火線。離職前的職位是助理校長，及科主任，主力任教倫理與宗教科。 現處於半退休狀態，可讓生活慢下來😊我同時會在中文大學香港教育研究所半職工作，主要培訓中小學教師、學生及撰寫教案，推動心靈教育🙏🏼
雖然已退下火線，我仍熱衷於教學，希望可以將態度、知識及技能，透過補習直接傳授給學生， 特別是願意學習的學生。
最近有不少學生欲自修應考倫理與宗教科，按考評局的資料顯示，自修學生的成績往往比學校上堂學生低，主要原因是倫理與宗教科有特別的應試策略。我有豐富的教學經驗，並有各屆試題及各校mock卷給學生操練。目的是讓考生考到最好的成績。我於卷二的教學選項是基督宗教， 同時也歡迎應考佛教卷二的同學找我補習卷一倫理學。
我對學生的要求好簡單，就是要帶備一顆求學的心。
欲自修應考倫理與宗教科的同學必須要有一位具 教學熱誠、豐富教學經驗及資源的補習老師的扶助。如果你考慮後認為適合，可隨時聯絡我了解更多 😊

Continue

眼鏡在哪裏？

「眼鏡在哪裏？」這兩星期久不久以1.2563秒一直自問自答的問題。 陪伴了自己幾十年的近視眼鏡歷史任務終於完成。由於深近視(每隻眼都有800度)，再加上年青時在地盤工作多年，沒有好好保護眼睛......「患了早發性白內障」😨醫生說。考慮了兩年，最近終於做了手術。
先左後右，相距一星期。做了左眼，心想只要將近視眼鏡左鏡片除下戴上即可，但原來理論歸理論，實際上卻不可行，適應不來😵
眾所周知，手術可同時解決近視、散光及老花，但實際上醫生會調校及留下幾十度近視給你做紀念😎
手術兩周後，「眼鏡在哪裏？」這問題不再。原來陪伴了自己幾十年的，是可以隨時消失的......😓🤣

Continue

15天沖繩之旅

2018年7月3日，開始15日嘅沖繩南向北自駕旅。聞說沖繩有9種必食食物，包括苦瓜、海葡萄、泡盛酒、花生豆腐、東坡肉、獵戶座啤酒、水雲、平實檸檬同埋蕎麥麵。希望都可以嘗試到😀
7月盛開嘅花果品種包括太陽花、龍船花、艷花薑、穗花棋盤腳、菠蘿、芒果、火龍果😋
尋日同今日有兩餐都係Kumoji嘅《沖繩家庭料理》，嚟沖繩必食😎
頭兩晚住那霸，再轉到南城，是沖繩縣內11市中人口最少的城市，唯一沒有成立警察署及設置高中的城市。南城比較鄉下，沒有購物城，有的只是小超市和太平洋，是很適合居住的地方。
八重瀬町，位於沖繩島南部。町內區域也為二次大戰末沖繩島戰役末期，戰事最激烈的地區。本地出身之名人有謝花昇，活躍於明治時代初期的日本沖繩縣的一位政治家，人稱「沖繩自由民權運動之父」。遊客一提起八重瀨町，就想到八重瀨公園的櫻花祭、玉泉洞和valley of Gangala。
繼續北上，嚟到北谷町，沖繩嘅中西部。我哋住喺Beachside Condominium／ビーチサイドコンドミニアム，住三晚，房間面向東海，下面就係Araha Park， 裏面有啲舊，但係非常寬敞， 最重要有洗衣機，可以洗衫😎第一次揸機自拍，經驗不足，手震震😅
旅途初期，沖繩掛着强風，似八號風球，我們由西走到東，由北谷盯走到北中城再穿過平安座島到浜比嘉島，再穿過宮城島到伊計島。很可惜的是，浜比嘉島上的高江洲製鹽所由於強風未有運作，未能一睹和親手掣鹽，只能退而求次，參觀在宮城島上的命御庭製鹽工廠，並一嚐鹽雪糕。
由北谷町北上去恩納村，住喺Rizzan sea park hotel三晚。 恩納村隔離嘅榮野比一個鄉村小巷入面有一間 Tettoh Coffee， 超讃👍 一家人兩年前用多雙手設計同埋興建咗一間有誠意嘅咖啡屋。我哋叫咗mocha同埋spicy ginger latte。好😋
喺読谷村入面， 有一間好有特色嘅咖啡店，老闆娘約七十二歲， 仲好精靈， 佢好鍾意古老嘢，所以兩年前設計咗呢一間咖啡店， 一間好lady嘅咖啡店。 最搞笑就係，佢話我同太太個樣好似剛剛結婚😂，嚟沖繩度蜜月😆
由安納村再繼續北上，到名護，住喺Hotel Resonex Nago，露台可以跳落太平洋🤣 我覺得沖繩北部嘅咖啡店嘅咖啡比南部或者中部更加好飲，其中兩間名叫做 Inno Coffee同埋 Flap Coffee， 力推😎 前者冇堂食。
仲有兩間食肆都特別推介，就係我部祖河食堂同埋pizza in the sky。
旅程尾聲，有兩個晚上，住在今歸仁村一間由荒廢小學改建而成的農場Agricultural Production Corporation Aioi Farm(Ai Ai Farm)。裡面的食物都是由農場自家製，吃回原味😘
真正的歸隱😐
真正的閒置😑
真正的心靜😶
沖繩之旅第十四天，走到最北，Cape Hedo。途中到訪過一間咖啡館，やんばるHotCafe。老闆，楽天，在調咖啡，老闆娘，教子，很健談，我們一見如故。教子說，楽天讀哲學，任小學教師，上年因思考，而離開了主流學校，於山中自設咖啡館，前舖後居，型格得很！楽天父親，藤原辰雄，曾參軍，愛好和平，後自決不參軍，當教師，退任多年後還寫下「平和主義」一書(還送我們一本，見圖)，派予學校，教化學童，積極推動反戰運動。她還談到日本憲法第九條......
教子談得眉飛色舞，談到香港，她就第一時間想起黄雨傘，她熱愛和平，曾參與大大小小的示威遊行😎
談完社會，也談養狗，他們的愛犬當年因牛蜱熱而掉命......
太投入了，離別，忘了付賬😅回頭，再談🤣
沖繩之旅，最後一天， 別人開始暑假旅行，我們回程了！今次是首次攜帶單反、 槍型收音咪、八爪魚腳架等出外旅行，試做vlogger。 挺麻煩！最後都是放棄了，因為有點為了拍而拍，窒礙了感受旅行。 單用手機方便得多🤣
可能你會感到奇怪，為何臉書中很少太太的照片，是有原因的，因為申請程序複雜，須審視的項目亦不少，包括角度、陰影、光線、風向、心情、心機、心事等，程序可能比梵蒂岡宣聖更複雜，所以我放棄申請😅
沖繩是一個我們會再來的地方，更準確地說，沖繩可能是一個適合退休的地方😎

Continue

女神再見

「我們剩下的武器只有真相，惟有真相才可令政權下台。」

今日係藝術教育堂播完逆權公民後，同中四同學解說。我同同學講，梁天琦被判6年，佢嘅方法未必個個接受，但係佢係有心為香港，同學作為公民，亦都要用適合自己嘅方法去為呢個社會作出貢獻，為香港打拼💪

「一粒麥子如果不落在地裏死了，仍只是一粒；如果死了，才結出許多子粒來。」 若望福音12章4節。

今日係代課嘅最後一日，有啲唔捨得呢班同學😅嚟咗超過兩個月，唔少同學都想我留低喺度教，因為佢哋覺得我可以令佢哋對於宗教倫理科產生興趣，真係老懷安慰😎

音樂堂主要畀佢哋睇<與神同行>，同埋做番個人反思。仲有要佢哋分組去揀一首佢哋最喜愛嘅歌曲，而且要解釋歌曲嘅意思。 呢一堂，佢哋係最投入😁最後，我點左欣宜嘅<女神>俾佢哋聽：「無論你哋係肥瘦高矮，男女靚醜，要自己對自己有信心，咁就係女神😍。 將來喺街度見到你哋，我會嗌你一聲女神🤣

另外，最特別嘅就係有一個中二女生佢話自己好鍾意哲學，仲要求我留低喺度教哲學😅 我之後買咗一本經典嘅哲學書<哲學的故事>送畀佢：「希望你可以認識自己，思考人生，關愛社會！」

各位女神再見🤗

Continue