蘋果心

 

蘋果有心大家都知，所以全城買最後一個蘋果。其實，唔少香港人都好有心。我覺得蘋果比我哋嘅啟示係執行能力。
大部份人諗嘢都會諗到好理想、好正義、好有愛，但係夠膽講出嚟就少咗9成。亦都有唔少人講左出黎，但都係停留係講嘅層次，講就天下無敵，做就有心無力，遮係大隻講。夠膽做出嚟亦都少咗9成。
呢個時代，夠膽諗嘢、夠膽講嘢同埋夠膽做嘢嘅人實在太少！
香港人之所以愛蘋果，係因為蘋果「幫」佢哋諗咗、講左同埋做咗唔少嘢。
蘋果等緊機會愛香港人。