立法會前主席曾鈺成尋日形容法案委員會已「完全失效」，提出解散法案委員會，直接將草案交上大會審議。
意思即係: 學校訓輔組傾唔掂嘅嘢， 直接攞上大會傾; 公民教育組傾唔掂嘅嘢，直接攞上大會傾; 學生會傾唔掂嘅嘢，亦都直接攞上大會傾…… 廢曬所有委員會同埋小組， 全體職員會傾30個鐘，係每個禮拜一次。 所有嘢由校長搞掂曬佢， 校長傾唔掂嘅嘢就攞上法團校董會傾，法團校董會傾唔掂嘅嘢，就攞上辦學團體傾。辦學團體 每日開會300個鐘，辦學團體傾唔掂嘅嘢 ，由辦學團體法人一個人拍板！
意思亦係: 教會堂區內歌詠團傾唔掂嘅嘢，攞上牧民議會傾; 讀經組傾唔掂嘅嘢， 攞上牧民議會傾; 培育組傾唔掂嘅嘢，都攞埋上嚟牧民議會傾…… 廢曬所有小組，全體牧民議會傾20個鐘，係每個禮拜一次。牧民議會傾唔掂嘅嘢， 攞上去鐸區議會傾， 鐸區議會傾唔掂啲嘢，落曬去教區傾，教區每日開會200小時， 如果仲傾唔掂，由主教拍板！
呢排去旅行嘅時候， 有個强烈感覺，唔係好想認自己喺香港人， 係嚟自情況每況愈下嘅香港，覺得好醜怪。 有時真係寧願認係大陸人， 人哋唔使再追問都知道個政權一直都咁衰，唔駛再解釋， 亦都唔想再解釋……
曾鈺成講啱咗一半， 議會真係失效，現時真係要靠人民。
\\看吧！人民在挽手，爭取正義和自由歌聲裡群情似火，滿溢激昂，震撼著四周
捍衛人權護眾生，不分社會還是個人\\
0 意見:
Post a Comment