ff，係final fantasy，係出自經典電腦遊戲《Final Fantasy》，意思係最終幻想，通常指成日幻想，而且幻想得非常誇張。
特首林鄭月娥喺中美角力嘅時候仲要提出逃犯修例，將香港成為一隻棋，送俾美國。香港人會話，你唔好ff啦！有乜可能幫美國人打中國。如果真係咁，林鄭仔就真係賣港賊同賣國賊，千古罪人。
誇張？不如調返轉。
特首林鄭月娥喺中美角力嘅時候仲要提出逃犯修例，將香港成為一隻棋送畀中國，喺香港隨時可以拉嗰啲曾經喺中國犯咗事嘅巨富中國人返大陸，要佢哋嘔返啲錢出嚟，用來應付貿易戰。香港人會話，你唔好ff啦！有咩可能呀！中國大把錢，駛咩要你香港嘅錢呀！如果真係咁，林鄭仔都真係賣港賊，亦都係千古罪人。
都係誇張？不如咁諗。
特首林鄭月娥喺中美角力嘅時候仲要提出逃犯修例，將香港成為一隻棋送畀中國，可以隨時拉住喺香港嘅美國人返大陸，你拉我嘅孟晚舟，我就將美國人逐個慢慢週，用來對付美國。香港人會話，你唔好ff啦！有乜可能呀！ 香港係一個兩制嘛！大陸點樣插手呀！如果真係咁，林鄭仔都真係賣港賊，亦都係千古罪人。
其實，身處現時嘅香港，咁誇張嘅香港，咩都有可能發生嘅香港，例如有冇諗過香港有政治犯、難民喺海外！咁樣ff一啲都唔誇張。有ff先至有gg，即係good game。如果連呢啲危機意識都唔去ff，就真係gg，即係game over。
無論你點樣ff，6月4日同埋6月9日都要都要行出嚟！
0 意見:
Post a Comment