生命有得補習㗎

今日分別同四個學生補習通識同埋生命教育，攰！ 之後仍然去游咗20個直池。以前一日上七堂，依然鬥志旺盛，而家直係年紀大😅 原來，一對一嘅生命教育真係唔容易，好費神，捉住每句說話，無個眼神，畀適當嘅回應同埋引導。
有人問，生命教育都要補習？ 係呀！要㗎。自從教書以來，再加上同咗幾個中一學生補習通識， 發覺每個學生同埋每個家庭都有佢自己嘅問題！開始發覺我需要為初中生做一個有關德育及生命教育(我嘅強項同埋本行😉)嘅課程，係一個補習課程，相信市面上應該仲未有😄。我覺得家長花時間花金錢喺學科係需要嘅，但係唔好忽略更重要嘅，就係佢哋嘅個人成長，因為係會直接影響佢哋嘅學習同埋將來嘅人生。
我希望能夠將我嘅人生經驗傳授畀佢哋，同佢哋分享😄

詳見「生命補習：做個有血有肉的人一文」

。