人情味

今朝去牛下買餸，買粉葛時聽到隔離師奶買魚腥草，跟住我請教佢咩嚟㗎，佢指住話就係呢啲，唔寒，化痰止咳，煲湯好。 佢仲同我分享煲湯技巧，滿有人情味😄 ......聽著聽著，手機不斷傳來即時新聞，話今日上市嘅毛記股價彈咗幾多幾多倍，腦細身家脹咗幾多幾多億。用錢去量度人係我哋香港人嘅習慣，自1842年以來冇變過🤑...... 看著看著，諗起尋日唔少新聞報導黃秋生同失散多年嘅哥哥重覆，都幾感動！ 記者問佢搞咗幾耐，佢話post咗兩個禮拜就搞掂， 佢話真神奇。查實，响現時面容辨識同大數據年代，將個樣掟出去， 20秒鐘可能搞掂，即刻搵到人。 响big 巴打嘅年代，人人受監視，已經冇曬真性情......

幸好仲有隔離個師奶嗰啲人情味😘