【逆權世代】連登記者會

睇著連登記者會，某程度戥佢哋緊張，例如答問題前要望望同伴、讀稿、問同伴可唔可以補充、答如果出解放軍時就返屋企瞓覺等。不過，如果你睇清楚，佢哋就係一班香港嘅年青人人，冇乜高人喺背後操控，聲音就係香港人嘅聲音。如果你睇清楚，佢哋已經表現得好好，尤其係比親共媒體狙擊嘅時候，都表現得淡定，尤其係嗰位女仔，似乎係當中嘅大腦。佢哋嘅表現其實好過好多成年人，至少唔會好似建制派或者政府用語言偽術去帶你遊花園！
香港現時搞成咁，大家都知道政府同埋建制派係元兇。一個社會如果去到要一班人係年青嘅時候搞記者會去發聲，呢度地方嘅政府其實需要好好反省下自己其實係唔係仲有能力同資格去管治。