尋日開始去一間中學代課，主力係倫理宗教科及宗教道德教育科，但同時要代初中嘅音樂同埋藝術教育科🙄。係藝術教育科入面，我畀中四嘅同學一個主題，就係「我看見的味道」，要同學用圖畫表達主題。原來地球上有少部份人係能夠睇見聲音、聞到顏色、聽到溫度等等聯合嘅感覺，叫聯覺(Synesthesia)。我希望同學能夠用唔同嘅感官去表達世界上唔同嘅嘢，隔離呢幅圖畫就係其中一個同學嘅作品，睇落去好有味道嘅感覺😋
人類了解未來有限，因為對人類本身嘅認知有限。第一次工業革命嘅蒸汽火車，第二次工業革命嘅電力發明，第三次工業革命嘅電腦互聯網， 以致現時好多人討論就嚟發生嘅第四次工業革命：人工智能、生物科技3D4D5D打印等等嘅技術融合。人類嘅將來相當詭秘，將來可能大部分人冇工作，出世就等死亡。人工智能取代人類已經講咗好多十年，應該好快實現！人類探索未來已經再唔能夠坐喺課室入面，要跨越嘅課本，跳出框框，思考人類嘅未來。我諗將來我哋真係能夠睇到人嚐到笑話、睇到溫暖、聽到陽光、聞到失業...... 唔按規則出牌，先至能夠贏過人工智能😎
0 意見:
Post a Comment