銀行解凍，明顯知道瀨嘢！

 

Photo by John Cameron on Unsplash

政府突然將許智峯同埋家人嘅銀行解凍，明顯知道瀨嘢！政府當然唔係痛改前非，要保障私產權，而係受到壓力，銀行怕被制裁。當然，歐美有可能就呢件事制裁呢啲銀行，但同時香港市民亦可能會考慮制裁本地銀行。經過許智峯事件，香港市民（黃+藍）呢一次被政府從睡夢中叫醒咗，原來阿仔阿女係黃絲，我戶口都會被凍結！佢哋可能會用存款當做選票，既然你唔比我選我相信嘅人，我就攞走啲錢。相信走資潮一觸即發。

香港虛擬銀行今年冒起，同傳統銀行開始競爭，市民即時走唔切錢去外地，可能都會暫時將傳統銀行啲錢抽走，以示抗議，暫時擺喺虛銀。我相信呢啲都係傳統銀行業界見到政府連坐凍結許智峯家人銀行帳戶而覺得利益將會受損，所以俾返壓力政府。來來去去都係錢！