譚太今日又無嚟游水！

室內泳池游水。游完水喺更衣室見到兩位赤條條嘅伯伯傾緊計。
A伯：喂！今日遲咗？
B伯：係呀，頭先飲完茶，所以今日遲咗。你游完喇咩？
A伯：游完囉！今日仲游多咗兩個圈添，你呢？
B伯：我都啱啱游完。
A伯：我都走啦，譚太今日又冇嚟游水！......

之後喺更衣室門外，我又撞到B伯，佢同C伯講：「老譚真係陰公！老婆走咗兩個月，佢仲係好掛住佢......」

珍惜身邊錫你嘅人！