「我們剩下的武器只有真相，惟有真相才可令政權下台。」今日係藝術教育堂播完逆權公民後，同中四同學解說。我同同學講，梁天琦被判6年，佢嘅方法未必個個接受，但係佢係有心為香港，同學作為公民，亦都要用適合自己嘅方法去為呢個社會作出貢獻，為香港打拼💪
「一粒麥子如果不落在地裏死了，仍只是一粒；如果死了，才結出許多子粒來。」 若望福音12章4節。
今日係代課嘅最後一日，有啲唔捨得呢班同學😅嚟咗超過兩個月，唔少同學都想我留低喺度教，因為佢哋覺得我可以令佢哋對於宗教倫理科產生興趣，真係老懷安慰😎
音樂堂主要畀佢哋睇<與神同行>，同埋做番個人反思。仲有要佢哋分組去揀一首佢哋最喜愛嘅歌曲，而且要解釋歌曲嘅意思。 呢一堂，佢哋係最投入😁最後，我點左欣宜嘅<女神>俾佢哋聽：「無論你哋係肥瘦高矮，男女靚醜，要自己對自己有信心，咁就係女神😍。 將來喺街度見到你哋，我會嗌你一聲女神🤣
另外，最特別嘅就係有一個中二女生佢話自己好鍾意哲學，仲要求我留低喺度教哲學😅 我之後買咗一本經典嘅哲學書<哲學的故事>送畀佢：「希望你可以認識自己，思考人生，關愛社會！」
各位女神再見🤗
