「喂!我哋出嚟，我哋一齊出嚟！」 天馬公園坐我後面嘅三個師奶其中一個講電話。
「我21歲嘅大仔尋晚執嘢，準備出嚟！我只有叫佢小心啲！」二師奶
「我嘅仔仲係細，如果佢大個咗話要衝，我會同佢一齊衝！」三師奶
聽罷其實好心酸……
我同佢哋講，我上晝喺呢度都見到三個畢業生，佢哋以前都係乖乖仔，見多咗世面，知道咩叫做社會，咩叫做啱同唔啱！
除咗舊生，喺咁多人當中，仲見到兩位舊同事。彩記好嘢！
我聽到前線衝緊嘅人話要哮喘藥。其實都好悲哀！……
撤退到摩天輪
唯有扮買飛入去玩摩天輪。啲速龍隊係咁追過嚟，但係佢哋唔敢衝擊大陸人。
「我哋要提早收工喇！」
「點解嘅？唔係收11點咩？」
「因為警方都想我哋今日早啲收工。」
「唔怪得頭先見到咁多警察衝過嚟！」
「係呀！其實今朝我未返工嘅時候，我都有出到嚟！」
去到德輔道中，又放催淚彈！又要走！
佢哋放催淚彈，放到癲咗！
我最大嘅感受就係，原來香港有咁多年青人。如果政府肯定聽103萬市民出嚟遊行嘅意見，撤回修例，就唔使搞到今日咁！
0 意見:
Post a Comment