【流浪世代】Vietnam Con Dao Island／Con Son Island崑崙島／崑島／惡島

終於有時間剪返條旅行片😅記得訂閱我頻道呀😄

今次行陸路，喺胡志明市嘅Bến xe Miền Tây搭通宵長途巴士去Tran de port。 午夜12時開出，全程要5個幾鐘。 所有座位都係臥舖，分上下格。 都幾難頂，不過就體驗到當地人嘅生活。 上巴士時好似游泳池咁要用兩個套包住對鞋上去，中途大約三點鐘，就會去到中途站Minh Phat 2 Canteen食嘢。

一齊搭長途車嘅三個越南後生仔喺總站落咗車，休息緊，食緊rice cake。左手邊嗰個做髮型師，另外嗰兩個係做化妝師，仲有一個女仔唔肯出鏡，係sales。

到達Tran de port大約6點，喺停車舖頭休息日個幾鐘頭，就行去碼頭，搭 superdong high speed boat去崑島。8點開船。 第二朝食完早餐就去咗對住碼頭914嘅Công viên Tôn Đức Thắng公園，係一個紀念公園。 據說當年有914人為咗幫法國殖民者修建碼頭而勞累致死，一個小小嘅碼頭會有914個人死咗，簡直係匪夷所思。 呢個亦都預示咗殖同埋被殖， 反殖同埋鎮壓反殖之間嘅權力關係，亦都睇到越南人嗰一種嘅堅毅不屈，不卑不亢嘅精神。

崑島縣包括十六個大小島嶼，面積係76平方公里，以崑島為最大，面積係51.52平方公里，亦係集中最多戶人嘅地方。 崑島除咗國家公園入面嘅古樹林、檳榔林同南竹林，仲有三種珍奇動物，分別係玳瑁、儒艮同埋金龜， 好多人都特登喺呢幾個月份嚟睇金龜生蛋。 除咗自然風景，崑島亦留低咗好多文化歷史遺產，尤其係革命歷史遺迹，就好似今日晏啲會去嘅嘅崑島監獄。

今日一早去行山，就係去行崑島國家公園。崑島國家公園包括14個島嶼，喺1984年開始已經係受保護，崑島國家公園係越南7個國家公園之中唯一一個除咗樹林，仲包括埋海域嘅保護。聽講呢一個國家公園入面有成千種樹木，其中44個種類係第一次喺崑島發現，而當中有11個品種係有生物學家以崑島命名。除咗植物，崑島最出名嘅動物就係海龜🐢，好多人特登嚟 睇海龜生蛋。

今日入咗國家公園去咗兩個沙灘， 總共行咗六個鐘。過程中有一個亮點，就係見到一個路牌寫著“越南古樹600米”，愛冒險嘅我就走咗入去 😏冇路😮蕩失路😥 跟住喺度諗，冇網絡，冇GPS，越行越入，唔知會行去邊，大鑊了😭......新聞報道：一名香港男子喺崑島失蹤多日，下落不明......手忙腳亂，四處奔走，手腳損曬🤕，只有祈禱 🙏 突然有番少少網絡，知道我嘅方向，就向住起點嘅方向係咁披荊斬棘😵......終於用咗半個鐘頭出番大路。激動感恩😇呢個路牌我好記得佢㗎！不要讓我們陷於誘惑，正確啲咁講，應該係，不要自己陷自己於誘惑🙄

鍾意行山嘅朋友，崑島係一個好好嘅地方😎

尋日過左一日行山，今日轉咗畫面，去咗崑島嘅墓地，有唔少人去拜祭嗰啲死喺監獄嘅英雄烈士。 除咗墓地，喺路邊嗰啲嘅紀念碑都有人特登嚟停低架車裝香拜祭，紀念佢哋心目中嘅勇士。跟住下晝去咗崑島嘅兩個博物館，一個係圖片加實物，一個係監獄現場。

崑島又叫惡魔島，因為喺1861年，法國殖民政府為咗要打壓一啲反殖民嘅異見分子，就喺崑島嗰度起咗一個 有120個監倉嘅監獄。 大監倉入面四面會有一條好長嘅鐵通，穿著好多腳扣，鎖住監犯嘅腳，好少時間先能夠出嚟鬆一鬆，所以監獄入面嘅情況非常惡劣。最出名嘅就係佔地5.475平方米的「虎籠」(Chuồng Cọp)， 活生生咁曬住，獄卒就隨時都會用鐵支喺度撩嗰啲監犯，或者抌啲嘢落去，非常唔人道。 根據資料，有啲女監犯為咗表示抗議， 挖開自己個肚，攞啲腸出嚟，撻係啲獄卒個身上面， 以死相搏！

當中我最深刻嘅就係一個少女，叫武氏六(Võ Thị Sáu)， 佢十四歲嘅時候就已經係一個反殖民地嘅游擊隊戰士。16歲左右，佢因為用手榴彈刺殺當時一個壓榨人民嘅法國殖民官員而被捕，佢未滿18歲但仍被宣判死刑。為咗怕有人反彈，當局後嚟就將佢送到崑島避人耳目，將佢監禁。1952年，佢係島上被處決，死嘅時候年僅19歲。越南而家視佢為一個愛國烈士， 亦都係革命精神唧象徵人物之一。

19歲嘅時候，我哋做緊啲乜呢？

餐廳介紹，係Villa Maison Kitchen & Wine Bar叫左Maison's Beef Burger: New Zealand minced beef w/emmental cheese, bascon, onion, tomatoes, potato chips & dip of the day。自己一個咁樣喺度食lunch我都係第一次😅hea咗三粒鐘，世界好似停頓咗，空間永遠唔理會時間......除咗食物美味， Villa Maison Kitchen & Wine Bar 嘅擺設都好有心思！ 更重要嘅就係佢啲職員非常親切有禮貌！

喺崑島最後一日都係坐船再轉接駁巴士5粒鐘頭出返嚟胡志明市。旅行搭公交，雖然嘥唔少時間，但係當中遇到大大小小嘅好人好事，都係好值得回味😊例如喺船上問當地人一陣點樣買巴士飛去胡志明市，雞同鴨講，盡顯google translate嘅低能，最後有個大姐挺身而出，「一陣你跟住我啦😎」 一句說話， 暖在心頭 😂 ......去到碼頭，船員話我喺網上印出嚟張飛要轉返張真飛，要我烈日當空拖住個喼行返去碼頭尾間寫字樓🙄跟住有個阿叔二話不說，遞個頭盔畀我，送埋架電單車畀我，叫我自己走一轉，因為佢唔得閒要喺碼頭賣衫。喂大佬！ 兩個轆我唔掂㗎喎😲 會飛車落海喎！對大叔，我由衷感激😍 對大姐，我感激流涕😂......巴士似雪房，我見到頭先嗰個仗義大姐帶曬口罩，病病地，我就畀佢我件風褸冚一冚。呢個世界，互相幫忙，唔會太計較 😄 崑島，大概有5000人喺度生活，慢活🚶當中有唔少軍人進駐，hea駐。冇夜生活，呢幾晚耐唔耐會聽到全市嘅叫喊聲或者噓聲，原來唔少居民擔凳仔坐曬喺咖啡店同埋係商戶內外，係越南鬥韓國。世界工業，無孔不入。

崑島，除咗行山、探監、浮潛、睇龜之外，當中都有其他嘅民間故事。例如著明法國作曲家Camille Saint-Saens喺1895年响崑島完成嘅歌劇Brunhilda之後，就住咗喺崑島一段時間，故居就係現時碼頭914隔離嘅Con Son cafe。 另外，除咗前日所講嘅革命女英雄之外， 崑島居民會歌頌另一位女性，就係Lady Phi Yen， 佢係當年Nguyen Emperor Gia Long皇帝21個老婆其中一個，當時人民做反，國王一家逃亡去到崑島，皇帝寫信去法國要求增援助鎮壓人民。皇后就力諫不果，後畀皇帝冷待收監。皇帝離開之後，有一隻老虎同埋一隻猿猴將皇后從監獄救出，佢就係崑島終老。 人民為咗紀念佢愛民如子，就起咗一個 Lady Phi Yen Temple紀念佢。崑島故事果然有一定嘅魅力☺

崑島， 由惡島變成旅點，其中一個原因可能係Brad Pitt同佢當時嘅老婆Angelina Jolie喺2011年嚟過，之後開始多人知道崑島。 佢哋當然係入住島上唯一一間五星級酒店Six Senses Hotels Resorts Spas。 中文譯做六善，但係擺到明佢係講緊六感，即係眼耳鼻舌身意。每晚4000幾蚊，呢啲感覺都好貴下😅點解咁貴？每間別墅所有嘅包裝袋都是用紙或玻璃做，房間自己有游泳池，間間别墅對住個私人海灘，隨時免費玩stand paddle board，職員仲會留意到啲海龜幾時生蛋就帶埋你去睇...... 唔好誤會，我當然冇入住😅我住嗰間200蚊有找😂 下次同老婆嚟先入住。 佢敢嚟我敢住(因為越南都幾邋遢！)，不過要儲錢先。幾時開始儲？bắt đầu từ nay，即係「不漏杜拉」，意思就係「由現在開始」😎 如果你喜歡我的影片，請按下「喜歡」和「訂閱」鍵，並「分享」出去。你的支持就是我創作的最大原動力！If you like my videos, please click 'like','subscribe', and share. Thank you very much!

Continue

【教育世代】: 倫理價值衝突大比拼Ethics value conflict

究竟「歧視」重要啲，定係「公共衛生」重要啲？ 究竟「出入自由」重要啲，定係「公共衛生」重要啲？ 歧視 是針對特定族群的成員，僅僅由於其身份或歸類，而非個人特質，給予不同且較差的對待。 像是在國家、宗教、階級、貧富、膚色、性別、性向、教育、職業和年齡等不同性質的層面當中都有可能會產生不同程度的歧視。 「歧視」則是基於這種態度或信念所產生的行為。 當個人或組織基於汙名而不正當奪取他人的權利和生存機會時，就是歧視。 出入境自由 根據基本法第三十一條，香港居民有在香港特別行政區境內遷徙的自由，有移居其他國家和地區的自由。香港居民有旅行和出入境的自由。有效旅行證件的持有人，除非受到法律制止，可自由離開香港特別行政區，無需特別批准。 公共衛生 早在1920年公共衛生學者Charles-Edward Amory Winslow將公共衛生定義為：「公共衛生是一門預防疾病、延長壽命、並促進健康的科學與藝術，透過社會、組織、公私部門、社區與個人的組織性力量與充分訊息之下的選擇，共同來推動。」 公共衛生之核心價值為預防，不論是慢性疾病或是傳染性疾病的防治上都相當適用。 1. 如果條件相同，應先選擇較高的價值。 2. 分辨價值高低，必須考慮價值緩急的問題。 3. 衡量價值高低，有時要考慮先後次序。 4. 如果條件相同，有特別關係的人，責任優先。 5. 公益與個人利益衝突，公益佔優。 6. 衡量價值時，也應考慮實現價值的成功 7. 衡量價值時，也要考慮價值的長遠情況。 8. 如果惡是無可避免，就選擇最輕微的惡。 9. 衡量價值時，要考慮一己的行為對別人的影響。 甚麼是「內在價值」?某種行為是美德，因為它本身擁有美德的特性，例如「仁」、「義」、「真」、「善」、「美」等，縱使不同文化、宗教、年齡對它們可能有不同的理解，但絕大部分人也認同這些是美德。 甚麼是「工具價值」?某種價值是在於我們能夠透過它可以獲得一些更高與更重要的價值，例如透過犧牲、奮鬥、勤學，我們可以得到幸福的人生。 如果你喜歡我的影片及資料，請按下「喜歡」和「訂閱」鍵，並「分享」出去。你的支持就是我創作的最大原動力！If you like my videos, please click 'like','subscribe', and share. Thank you very much!

#倫理
#價值衝突
#武漢肺炎#covid-19
#ethics
#value conflict

Continue

【情感世代】：Fear恐懼

精神科專科醫生會跟我們說，恐懼實是一種學習，是一種避免威脅和傷害的情緒，是源自人類自我保護的生理本能。當我們遇到危險或刺激時，伴隨恐懼而來的是心率改變、 血壓升高等生理上的應急反應，提醒我們防禦或逃跑。

默想：

1. 把注意力放在呼吸上，觀察呼吸。仔細留意氣息吐納的自然韻律。你的呼吸速度快還是慢？氣息是深長還是短淺的？持續跟隨呼吸，不需要任何調整。
2. 從頭頂開始，掃描身體。注意力從頭頂往下延伸到臀部，經過腿部，到腳趾頭。當注意力來到身體的各個部位，請放鬆緊繃的肌肉。深吸一口氣，然後用鬆一口氣的感覺大口吐氣，同時放鬆肌肉。給自己足夠的時間掃描全身(可以用十個完整的呼吸)。
3. 注意力再次回到呼吸。嘗試均勻呼吸法，把吐氣的時間調整到和吸氣一致。你主宰你的念頭，你的呼吸，和你的行動。恐懼無法對你做什麼。你現在即將向宇宙傳遞一個非常清晰的訊息，就是你不會被恐懼左右。你才是自己人生旅途的領航者。
4. 閱讀第一句真言，接著閉上眼睛(或輕柔注視前方)，做五個完整的深呼吸，並在每次吐氣時覆誦真言，可以大聲唸出來。完成第一句真言之後，接著覆誦第二句真言。第一句真言：我有恐懼，但我不害怕。第二句真言：恐懼是我的老師、我的禮物，我敞開心胸接受所有課題。
5. 繼續均勻呼吸，用全部的注意力維持吸氣和吐氣的穩定節奏。現在的你感覺安全、放鬆，並且很平靜。你有能力用冷靜的態度面對恐懼。
6. 繼續均勻呼吸。當你準備好結束靜心，就張開眼睛，回到日常生活。

箴言：

Before I built a wall I’d ask to know / What I was walling in or walling out, / And to whom I was like to take offence.「建牆之前，我想弄清楚：到底這是要隔離自己，還是隔離別人，而我到底針對誰。」詩人Robert Frost

無畏首先需要恐懼造就的邊界，我們通過明確地知道不能做什麼，才得以敢於嘗試其餘的任何事。

《憤怒的人民已不再恐懼》前清華教授許章潤

「人們花在逃避恐懼的心力，遠比花在爭取自己所要的東西的心力還要多。」丹•布朗 Dan Brown

「出於恐懼你說你不想說的事。出於恐懼你做你不想做的事情。」奧修

《對死亡本身的恐懼，就是對不存在的恐懼。不存在是很難預先想像的，直到真的面臨死亡的時刻（若仍然清醒），這種不存在的恐懼才較易迫現出來。

「沒來由的焦慮會努力找個理由來焦慮。」心理學家羅洛‧梅

「由於生物遇到恐懼或前景未知的反應，最直接的保護機制就是使用暴力，故此所有人都有暴力因子；可是右側杏仁核能辨識別人的恐懼，從而抑制暴力。真正明白恐懼還能勇敢的人，才是真正的仁勇之士。」

「社會，教會，國家，全部都希望每個人存在不斷的恐懼狀態：恐懼已知，恐懼未知，恐懼死亡，恐懼地獄，恐懼錯過天堂，恐懼沒有讓你在世界上留名，恐懼只是作為一個平凡人。你周圍的​​每個人從一出生就製造恐懼。沒有一個孩子有天生的恐懼。」奧修

｢生氣與哭泣有時候是用來掩飾更深層的恐懼。不處理，只是不斷累積更多的炸彈。」

「恐懼是預期潛在傷害的心態是一種制約，在恐懼狀態下的思考更是危險，那讓我不敢做很多事情，這不完全是壞事，有時候會過濾掉自己衝動做的危險事情，但也阻礙了內心真正渴望的行動。」喬治城大學心理學副教授艾比蓋爾．馬許（Abigail Marsh）醫師

「當你長大了，你可以看到 - 你可以嘗試一層一層的剝洋蔥 - 恐懼如何被創造在你裡面了, 你是如何輕信了，人們是如何利用你的純真。」奧修

「我們身處有史以來最健康、長壽又富有的時代，但恐懼卻不減反增。此為這個世代最大的矛盾。」丹尼爾．賈德納（Daniel Gardner）


如果你喜歡我的影片及資料，請按下「喜歡」和「訂閱」鍵，並「分享」出去。你的支持就是我創作的最大原動力！If you like my videos, please click 'like','subscribe', and share. Thank you very much!

#恐懼
#何謂恐懼
#如何面對恐懼
#fear
#what is fear
#how to tackle fear

Continue

【宗教世代】：香港嘅宗教喺武漢肺炎疫情期間做咗啲乜？應該做啲乜？

雖然係公共衛生問題，但係我都係想問，香港嘅宗教喺武漢肺炎疫情期間做咗啲乜？應該做啲乜？

可唔可以:
……加強醫院牧靈服務，支援病人心靈平安;
……組織教徒醫護集氣祈禱大會，為正在罷工的醫護打氣;
……組織教徒醫護集氣祈禱大會，為正在工作的醫護打氣;
……宗教領袖帶領驅魔祈禱會，倫理譴責社會上制度的惡魔;
……宗教領袖領頭，帶備口罩、眼罩、搓手液、手套等等裝備，於街頭或公共屋邨，探訪清潔工，並派發以上裝備;
……各大宗教領袖發出聯署聲明，要求政府全面封關，停止病毒入港。

宗教，請你唔好再選擇性地擔任社會嘅良心！

Continue