擇善固執的甘仔

嚟緊會出一本關於關心社會嘅書，搵人寫推薦序，早前搵甘浩望神父，佢一口答應。初稿寫好，剛剛畀甘仔，估唔到係喺政府總部。
佢絕食緊，我仲有嘢搵佢幫忙，真係覺得 過意唔去！但係呢個議題唔搵佢仲搵邊個呢！
今時今日，居港權呢個議題已經係好多香港人嘅禁忌， 唔少人都轉左軚，但係甘仔就係一個咁堅持嘅人，我敬佩非常！
「擇善固執」呢四隻字，應該係屬於甘仔嘅。

p.s。 今日係佢絕食第七日，如果你係醫生 或者護士，請你去幫甘仔檢查下身體。