「殊」不簡單

「殊」不簡單
最近去咗一間中學觀課，大開眼界。老師喺課室管理方面，將一般叫學生肅靜的`she'(引BB小便的聲音)改良成為「舒」嘅第4音，即係「殊」。 當學生發出嘈音嘅時候，老師就淨係講咗一個「殊」字， 奇蹟就出現， 課室入面跟住就有8個同學不約而同， 模仿老師講咗個「殊」字。呢個「殊」，殊不簡單，9個「殊」完之後，就全班就靜曬。 老師嘅成功，就好似「任何人」一樣，喺班入面製造出共同話題。
課室係一個精彩嘅地方，係一個老師同學生互動嘅精彩嘅地方，係一個好多奇蹟會發生嘅地方。呢位老師將一個平平無奇，已經冇乜效果嘅助語詞she變成一個實嘅中文字「殊」。 呢班學生畢咗業應該都會好記得，佢哋曾經畀一個殊不簡單嘅「殊」老師教過。