分享下由英國揸車去瑞士嘅自駕遊。我哋係由倫敦出發，目的地係蘇黎世，全程跟住Google map行。純粹計車程，行收費路段要用10個半鐘頭，途中只會踩入法國國境。如果選擇非收費路段，就需要12個鐘，除咗法國，仲會途經比利時、盧森堡同埋德國。我哋選擇唔係途中過夜，直接去蘇黎世，所以選擇收費路段，雖然話車程係10個半鐘頭，但係要預多3個鐘。一個鐘係Euro Tunnel要早一個鐘check in，第二個鐘係瑞士同英國時差，瑞士快一個鐘；第三個鐘係預中途入油、休息同埋行錯路。聰明嘅你即刻會知回程可以預少啲時間。由英國揸開車去歐洲嘅朋友都知道，歐洲各國對車輛嘅設備都有些少差異。由於係第一次，以防萬一，我盡量攞個最大公因數，準備包括UK...
